Restaurante Silabario-A Sede

No restaurante de Alberto González Prelcic parten das bases da cociña tradicional, guisos pausados, brasas de leña de carballo, repostería artesá… e adaptan os pratos aos tempos actuais, utilizando as novas técnicas da cociña moderna e empapándose co bo que vén de fóra, collendo substancia, crecendo… Fan unha cociña eminentemente galega, influenciada por todo aquilo que nos rodea e nos enriquece. Se queres coidar o teu corpo co mesmo mimo que coidan os ingredientes en Silabario, poderás relaxarte nun balneario ou gozar facendo enoturismo.